Të nderuar udhëtarë,
Trainkos Sh.A. ka lansuar një ofertë të re për të gjithë udhëtarët e saj. Duke filluar nga data 20.02.2012 të gjithë udhëtarët e Trainkos Sh.A. do të kenë mundësi të marrin pjesë në lojën shpërblyese “Çek për studentë dhe Çek për udhëtarë”.
Trainkos Sh.A me qëllim të atraktivitetit të sajë në tregun e transportit të udhëtarëve , ju ofron “Çekun për student” në të cilin ofron zbritje prej 20% për çdo lojë në Bo-Bowling të gjithë studentëve të cilët janë të pajisur me kartela identifikuese të udhëtimit me tren të lëshuara nga Trainkos Sh.A. Çekun e zbritjes do ta pranoni në momentin e aplikimit.
Ndërsa, për të gjitha kategoritë e udhëtarëve të cilët paguajnë bileta kthyese gjatë udhëtimeve me tren dhe i grumbullojnë ato për 7 ditë radhazi Trainkos Sh.A. ofron “Çekun për udhëtarë” , secilit udhëtarë që prezanton biletat e grumbulluara tek Trainkos Sh.A ku përfiton Çek-un për udhëtarë në të cilin përfshihen dy lojë pa pagesë në Bo-Bowling.
Këto beneficione nuk janë përfitimi i vetëm për udhëtarët e Trainkos Sh.A., pasi që do të ketë në vazhdimësi oferta të tjera atraktive promocionale edhe për kategoritë e tjera të udhëtarëve të Trainkos Sh.A.